Ha fellout a ra deoc’h dizoloiñ ar Vichererezh butun e brezhoneg ? Da geñver Devezhioù Europat ar Glad ho peus emgav d’an 19 a viz Gwengolo da 10e30 gant l’Espace des sciences Montroulez evit ur weladenn heñchet eus al lec’h industriel arouezel-mañ, etre memor ar vicherourien ha glad teknikel.

Michererezh butun Montroulez a zo un ardamez eus industriezh breizh paseet. Savet e 1740, hervez tresadennoù an arkitektour Jean-François Blondel, difer a ra dre e savadurezh veur. Ar savadur a zo bet savet a-benn degemer ur boblañs vicherel niverus hep ankounac’haat uhelvrud ar galloud roueel.
E-pad tost tri c’hantved, Ar « Manu », gwir gêr e-barzh ar gêr, he deus lusket ar vuhez lec’hel. E-pad an XIXvet kantved, en he barr, tost da 1 800 micherour.ez a laboure enni bemdez evit produiñ butun-chaok, butun-poultr ha butun-malet.
Pedet oc’h gant ar weladenn heñchet-mañ da zizoloiñ ar glad industriel-se. Ergerzhiñ a reoc’h prantadoù bras istor ar Vichererezh, emdroadur an teknikoù produiñ hag ar mekanikoù a oa implijet amañ. Ouzhpenn se, deuit da c’houzout hiroc’h diwar-benn buhez bemdez ar vicherourien : an doareoù labourat diaes a-wechoù, ar c’hengredoù, hag ar stourmoù sokial o deus merket istor al lec’h betek ehan ar produadur e 2004.


🎟️ 5 €, gant moned d’an diskouezadegoù • Adalek 10 vloaz. Padelezh : 1e